Bakı. Elşən Məmmədov-APA-Sport. Azərbaycanın akademik avarçəkmə üzrə 18 yaşlılardan ibarət yığma komandası mayın 23-də Ukraynanın paytaxtı Kiyevə yollanacaq. “APA-Sport” agentliyinin məlumatına görə, millimiz beynəlxalq “Kiyev reqatası”na qatılacaq. Mayın 24-də start götürəcək turnirdə ölkəmizi 7 idmançı təmsil edəcək. Cavid Əfəndiyev birnəfərlik qayıqlarda qüvvəsini sınayacaq. Timur Kutseba – Aleksandr Qlotov və Fərman Əliyev – Kamran Yusubov duetləri 2 nəfərlik sükansız, Aleksandr Jdanov – Əbdülrəşid Mustafin dueti isə sükanlı qayıqda mübarizə aparacaq. İki gün davam edəcək yarışa avarçəkənlərimiz baş məşqçi Samir Məmmədovun rəhbərliyi altında yollanacaqlar.

• Azərbaycan kamandan oxatanları Avropa çempionatında mübarizə aparacaqlar
• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO
• Azərbaycan Üzgüçülük Federasiyası rekordçu Cəmil Əliyevə sertifikat təqdim edib