Bakı. Aqşin Əliyev-APA-Sport. Bakıda iki dəfə Sovet İttifaqı Qəhrəmanı, general-mayor Həzi Aslanovun xatirəsinə həsr olunan cüdo üzrə beynəlxalq turnir keçiriləcək. “APA-Sport” agentliyinin məlumatına görə, sayca 31-ci dəfə təşkil ediləcək yarışda yeniyetmə qızlar və oğlanlar qüvvələrini sınayacaqlar. Turnirə Azərbaycanla yanaşı, Rusiya, Gürcüstan, Türkiyə, İran, Özbəkistan, Qazaxıstan və Danimarka idmançıları qatılacaqlar. Yarışın açılış mərasimi mayın 11-də saat 17:00-da Bakı İdman Sarayında baş tutacaq. Milli Olimpiya Komitəsi, Azərbaycan Gənclər və İdman Nazirliyi, Azərbaycan Cüdo Federasiyası və Bakı Şəhər Gənclər və İdman Baş İdarəsinin birgə təşkil etdiyi turnir mayın 12-də yekunlaşacaq.

• Azərbaycan kamandan oxatanları Avropa çempionatında mübarizə aparacaqlar
• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO
• Azərbaycan Üzgüçülük Federasiyası rekordçu Cəmil Əliyevə sertifikat təqdim edib