Bakı. Kənan Həsənov - APA-Sport. İtaliyanın Montsa şəhərində qılıncoynatma üzrə 23 yaşadək gənclər arasında Avropa çempionatı başa çatıb. “APA-Sport” agentliyinin məlumatına görə, ölkəmizi bu nüfuzlu yarışda Qılıncoynatma Federasiyasının vitse-prezidenti Yaşar Məmmədovun rəhbərliyi altında təmsil edən 6 sablyaçı fəxri kürsüyə yüksələ bilməyib. Qızların birinciliyində Sevil Bünyatova 16-cı, Səbinə Əmrahzadə 29-cu yeri tutub. Oğlanlar arasında yarışan Ramin Əmirov, Cəlil Ələsgərov, Yusif Budaqov və Namiq Ağakərimov da yarışı medalsız başa vurublar.
Qeyd edək ki, ilk dəfə təşkil olunan Avropa çempionatının hakimlər korpusunda beynəlxalq dərəcəli referi Fikrət Vəliyev yer alıb.

• Azərbaycan kamandan oxatanları Avropa çempionatında mübarizə aparacaqlar
• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO
• Azərbaycan Üzgüçülük Federasiyası rekordçu Cəmil Əliyevə sertifikat təqdim edib