Bakı. Aqşin Əliyev - APA-Sport. Çexiyanın Nove Bor şəhərində kişi və qadınlar arasında pauerliftinq üzrə Avropa çempionatı start götürüb. Azərbaycan Pauerliftinq Federasiyasının prezidenti Ələddin Əliyevin “APA-Sport” agentliyinə verdiyi məlumata görə, qitə birinciliyində ölkəmizin şərəfini 8 idmançı qoruyur. Yarışın ilk günü milli komandamız üçün uğurlu alınıb. Belə ki, turnirə qatılan yeganə xanım atletimiz Rəna Əliyeva (56 kq) 410 kq-lıq nəticə ilə Avropa çempionu titulunu qazanıb. Eyni zamanda, Yalçın Bağırov (67,5 kq) da qızıl medala layiq görülüb. Digər pauerliftinqçilərimiz qarşıdakı günlərdə podiuma çıxacaqlar. Qitə birinciliyi mayın 18-də yekunlaşacaq.
Qeyd edək ki, R.Əliyeva Avropa çempionu olan ikinci qadın pauerliftinqçi kimi Azərbaycan idman tarixinə düşüb. Bir neçə il öncə bu uğura Alisa Salahova da imza atmışdı.

• Bakıda “Qələbə qaçışı”: Qaliblər müəyyənləşdi
• Bakıda “Qələbə qaçışı” keçiriləcək: Toplanan vəsait “YAŞAT”a veriləcək
• Azərbaycan Beynəlxalq yarışlar seriyasına ev sahibliyi edəcək
• Bakıda keçiriləcək "Qələbə qaçışı"na rekord sayda iştirakçı qatılacaq
• Zəngilan rayonunda 8 Noyabr – Zəfər Gününə həsr olunmuş veloyürüş keçirilib