Bakı. Kənan Həsənov-APA-Sport. Bakıda mərhum prezident Heydər Əliyevin xatirəsinə həsr olunan “Prezident kuboku” beynəlxalq şahmat festivalı davam edir. “APA-Sport” agentliyinin məlumatına görə, festivalın nüfuzlu açıq birinciliyində turnir cədvəlinə səkkiz oyundan 7 xal toplayan rusiyalı Yevgeni Nayer başçılıq edir. Liderin ən yaxın izləyiciləri sırasında Azərbaycan şahmatçısı Fərid Abbasov (6,5 xal) da yer alıb. Beynəlxalq qrossmeysterimiz son matçını bu gün Aleksandr Lastinə (6,5 xal) qarşı keçirəcək. Hərəyə 6 xal toplayan Sərxan Quliyev, Qədir Hüseynov və Rauf Məmmədov da fəxri kürsüyə yüksəlmək şanslarını saxlayırlar.
Qeyd edək ki, festivalın mükafat fondu 85000 ABŞ dolları həcmində müəyyənləşdirilib. Açıq turnirin qalibi 7000 dollar və kuboka sahib çıxacaq. Festivala sabah təşkil olunacaq blits turnirlə yekun vurulacaq.

• Azərbaycan kamandan oxatanları Avropa çempionatında mübarizə aparacaqlar
• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO
• Azərbaycan Üzgüçülük Federasiyası rekordçu Cəmil Əliyevə sertifikat təqdim edib