Bakı. Kənan Həsənov - APA-Sport. İyunun 7-də atletikanın marafon növü üzrə lisenziya xarakterli açıq Rusiya çempionatı start götürəcək. “APA-Sport” agentliyinin Azərbaycan milli komandasının baş məşqçisi Məhərrəm Sultanzadəyə istinadən verdiyi məlumata görə, Saransk şəhərində keçiriləcək yarışda ölkəmiz bir idmançı ilə təmsil olunacaq. İkinci gün davam edəcək turnirdə Gülnarə Məmmədova qüvvəsini sınayacaq.
Qeyd edək ki, G.Məmmədova mayın əvvəlində Almaniyanın Düsseldorf şəhərində baş tutan təsnifat xarakterli turnirdə bel nahiyəsindən zədə aldığı üçün mübarizəni yarımçıq dayandırmışdı. Həmyerlimiz eyni səbəbdən Latviyanın paytaxtı Riqada təşkil olunan yarışa da qatılmayıb. O, hazırda Belarusda bərpa prosesi keçir.

• Azərbaycan kamandan oxatanları Avropa çempionatında mübarizə aparacaqlar
• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO
• Azərbaycan Üzgüçülük Federasiyası rekordçu Cəmil Əliyevə sertifikat təqdim edib