Bakı. Elşən Məmmədov-APA-Sport. Mayın 17-də Türkiyənin İstanbul şəhərində start götürəcək Avropa miqyaslı beynəlxalq turnirə qatılacaq Azərbaycan Xüsusi Olimpiya Komitəsinin basketbol üzrə yığma komandasının heyəti müəyyənləşib. «APA-Sport» agentliyinin məlumatına görə, dörd gün davam edəcək yarışda ölkəmiz 8 basketbolçu ilə təmsil olunacaq. Baş məşqçi Asim Məmmədov heyətə Ziyad Baxşıyev, Kamal Əliyev, Ruslan Yemelin, Mehman Zöhrəyev, Aslan Xanbiyev, Elşən Rəcəbov, Elvin Allahverdiyev və Cavad Cəlilovu cəlb edib. Turnirdə 20 ölkə yığması mübarizə aparacaq. Mayın 26-da qonşu ölkəyə yola düşəcək nümayəndə heyətinə Xüsusi Olimpiya Komitəsinin prezidenti Şahin Əliyev rəhbərlik edəcək.

• Azərbaycan İdman Rəqsləri Federasiyasının yeni prezidenti seçilib
• Yevlax 2027-ci il üçün Azərbaycanın "İdman Paytaxtı" seçilib
• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb