Bakı. Vüqar Xeyrullayev-APA-Sport. Yunan-Roma güləşi üzrə Azərbaycan milli komandasının üzvü Aydın Səfərov Serbiyanın Novi Sad şəhərində təşkil olunan Pekin Yay Olimpiya Oyunlarına lisenziya xarakterli II təsnifat turnirində uğursuz çıxış edib. “APA-Sport” agentliyinin məlumatına görə, A. Səfərov ilk görüşdə xalçanı məğlub tərk edib. 96 kq çəki dərəcəsində yarışan güləşçimiz almaniyalı Mirko Enqlixə uduzub. Yarışa ikinci mərhələdən qatılan A. Səfərov bu görüşdə 1:3 hesabı ilə məğlub olub. Qeyd edək ki, Serbiyada Azərbaycanı təmsil edən digər idmançı Şalva Qadabadze 84 kq çəli dərəcəsində qızıl medal və Olimpiya oyunlarına lisenziya qazanıb.

• Azərbaycan kamandan oxatanları Avropa çempionatında mübarizə aparacaqlar
• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO
• Azərbaycan Üzgüçülük Federasiyası rekordçu Cəmil Əliyevə sertifikat təqdim edib