Bakı. Aqşin Əliyev - APA-Sport. Azərbaycanın stend atıcısı Zemfira Meftahəddinovanın Pekin Yay Olimpiya Oyunlarında istifadə edəcəyi silah İtaliyanın Breşia şəhərində təmir olunub. Bu barədə “APA-Sport” agentliyinə milli komandanın baş məşqçisi Hafiz Cəfərov məlumat verib. Onun sözlərinə görə, təmir işləri yığmamızın Breşia yaxınlığındakı Lonato şəhərində təlim-məşq toplanışı keçdiyi zaman aparılıb. Sidney Olimpiadasının qalibi Z.Meftahəddinova ilə yanaşı, milli komandanın digər üzvü Emin Cəfərovun də silahı tam qaydasına salınıb. Hər iki idmançı yeni təmirdən çıxan silahını 2-13 iyun aralığında Almaniyada keçiriləcək Dünya Kubokunda sınaqdan çıxaracaqlar.
Qeyd edək ki, Z.Meftahəddinovanın ümumi dəyəri 7 min avroya bərabər silahı məhz Breşiada istehsal olunub.

• Azərbaycan kamandan oxatanları Avropa çempionatında mübarizə aparacaqlar
• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO
• Azərbaycan Üzgüçülük Federasiyası rekordçu Cəmil Əliyevə sertifikat təqdim edib