Bakı. Elşən Məmmədov-APA-Sport. İyunun 24-də Latviyanın Dauqavpils şəhərində start götürəcək Avropa çempionatına yollanacaq Azərbaycanın yeniyetmə sərbəst güləşçiləri müəyyənləşib. Bu haqda «APA-Sport» agentliyinə millimizin baş məşqçisi Firdovsi Umudov məlumat verib. Onun sözlərinə görə, qitə birinciliyində ölkəmiz bütün 10 mümkün çəki dərəcəsində təmsil olunacaq. Belə ki, Baltikyanı ölkəyə Çingiz Qaxacov (42 kq), Toğrul Əsgərov (46 kq), Nicat Muradov (50 kq), Hadı Əliyev (54 kq), Nurlan Hacıyev (58 kq), İbrahim Yusubov (63 kq), Kazım Abbasov (69 kq), Fərid Mustafayev (76 kq), Aslanbek Alborov (85 kq) və Aslan Cəbişov (100 kq) aparılacaq. Ç.Qaxacov, N.Muradov, N.Hacıyev, K.Abbasov, A.Alborov yarışın ilk günündə döşək üzərinə çıxacaqlar. Ertəsi gün isə mübarizəyə T.Əsgərov, H.Əliyev, İ.Yusubov, F.Mustafayev və A.Cəbişov qoşulacaq.

• Azərbaycan kamandan oxatanları Avropa çempionatında mübarizə aparacaqlar
• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO
• Azərbaycan Üzgüçülük Federasiyası rekordçu Cəmil Əliyevə sertifikat təqdim edib