Bakı. Elşən Məmmədov-APA-Sport. “Beynəlxalq yarışlarda əsas rəqiblərimiz Türkiyə, İran, Ukrayna, Azərbaycan, Ermənistan və Özbəkistandır. Amma düzü, mən onları ciddi rəqib saymıram”. “APA-Sport” agentliyinin məlumatına görə, bu sözləri Rusiyanın sərbəst güləş üzrə yığma komandasının baş məşqçisi Dzambolat Tedeyev deyib. D.Tedeyev bildirib ki, adlarını çəkdiyi ölkələrin təmsilçiləri arasında Rusiya pəhləvanlarını məğlub etməyə hər kateqoriyada cəmi bir idmançı qadir ola bilər: “Biz hər bir kateqoriyada ikinci və ya üçüncü nömrəli pəhləvanımızı yarışa buraxa bilərik. Həmin güləşçi də istənilən səviyyəli yarışda, o cümlədən olimpiadada qızıl medal uğrunda mübarizə aparmağı bacarar”.
Qeyd edək ki, həm Rusiya, həm də Azərbaycan 2008-ci il Pekin Yay Olimpiya Oyunlarında sərbəst güləş növündə tam heyətlə – 7 idmançı ilə təmsil olunacaq.

• Azərbaycan kamandan oxatanları Avropa çempionatında mübarizə aparacaqlar
• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO
• Azərbaycan Üzgüçülük Federasiyası rekordçu Cəmil Əliyevə sertifikat təqdim edib