Bakı. Aqşin Əliyev - APA-Sport. Azərbaycanın güllə atıcısı Nigar Bağırova İtaliyanın Milan şəhərində keçirilən Dünya Kubokunda çıxışını başa vurub. “APA-Sport” agentliyinin məlumatına görə, yığmamızın ən perspektivli üzvlərindən sayılan 21 yaşlı idmançı turnirdə medal qazana bilməyib. Gənclər arasında Avropa çempionatının gümüş mükafatçısı hədəfə 25 metrlik məsafədən kiçikçaplı tapança ilə atəş açma yarışında da uğursuzluğa düçar olub. O, 561 xalla 72 güllə atıcısı arasında 54-cü olub. N.Bağırova ilk “səkkiz”liyə düşə bilmədiyindən mübarizəni erkən dayandırıb. Öncə 10 metrlik məsafədən pnevmatik tapança ilə atəş açan xanım idmançımız 26-cı yeri tutmuşdu. Bu gün milli komandamızın digər üzvləri Ruslan Lunyov və Şükürağa Eyvazov qüvvələrini sınayacaqlar.

• Azərbaycan kamandan oxatanları Avropa çempionatında mübarizə aparacaqlar
• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO
• Azərbaycan Üzgüçülük Federasiyası rekordçu Cəmil Əliyevə sertifikat təqdim edib