Bakı. Kənan Həsənov – APA-Sport. Tayvanın paytaxtı Taypeydə Beynəlxalq Həvəskar Boks Assosiasiyasının prezidenti (AİBA) Çinq-Kuo Vunun şərəfinə təşkil olunan beynəlxalq turnir başa çatmaq üzrədir. “APA-Sport” agentliyinin məlumatına görə, ilk dəfə keçirilən yarışa qatılan Azərbaycan milli komandasının üç üzvündən yalnız biri yarımfinala yüksəlib. Pekin olimpiadasına lisenziya qazanan Samir Məmmədov (54 kq) ¼ finalda rusiyalı Zinat Zandibayevi 21:18 hesabı ilə məğlub edib. Ən azı bürünc medalı özü üçün təmin edən həmyerlimiz, bu gün yarımfinalda Xurşid Tojibayevlə (Özbəkistan) qarşılaşacaq. 69 kq çəki dərəcəsində isə Emil Məhərrəmov ¼ finalda özbəkistanlı Dilşod Mahmudova uduzaraq (4:17) mübarizəni dayandırıb.
Qeyd edək ki, bundan öncə 64 kq çəki dərəcəsində rinqə çıxan Famil Süleymanov ilk döyüşdə yaponiyalı Kavaçi Masatsuqiyə 5:13 hesabı məğlub olub.

• Azərbaycan kamandan oxatanları Avropa çempionatında mübarizə aparacaqlar
• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO
• Azərbaycan Üzgüçülük Federasiyası rekordçu Cəmil Əliyevə sertifikat təqdim edib