Bakı. Elşən Məmmədov – APA-Sport. Azərbaycanın qadın güləşi üzrə yığma komandasının 2008-ci il Pekin Yay Olimpiya Oyunlarında çıxış edəcək heyəti müəyyənləşib. Bu haqda «APA-Sport» agentliyinə millimizin baş məşqçisi Nazim Əlicanov məlumat verib. Onun sözlərinə görə, Pekin Olimpiadasına Mariya Stadnik (48 kq), Alyona Komarova (55 kq) və Olesya Zamula (63 kq) yollanacaq. Yarışın proqramına əsasən, M.Stadnik və A.Komarova avqustun 16-da döşək üzərinə çıxacaqlar. Ertəsi gün mübarizəyə O.Zamula qoşulacaq. Əəslində 55 kq çəkidə Yay Olimpiya Oyunlarına vəsiqəni Yuliya Radkeviç qazanıb. Lakin belaruslu legionerin səhhətində problem yarandığından, yığmaya yeni güləşçi cəlb olunub. Bu səbəbdən, Y.Radkeviçi ukraynalı A.Komarova əvəzləyib.
Qeyd edək ki, güləş növlərində Olimpiadaya lisenziya çəki dərəcəsinə verilir.

• Azərbaycan kamandan oxatanları Avropa çempionatında mübarizə aparacaqlar
• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO
• Azərbaycan Üzgüçülük Federasiyası rekordçu Cəmil Əliyevə sertifikat təqdim edib