Bakı. Elşən Məmmədov-APA-Sport. İyunun 11-də Rusiyanın Ramenskoe şəhərində start götürəcək badminton üzrə klublararası Avropa kubokunun püşkü atılıb. “APA-Sport” agentliyinin məlumatına görə, yarışda Azərbaycanı təmsil edəcək “Neftçi” klubu B qrupunda mübarizə aparacaq. Komandamızın rəqibləri “Sokol Dobruska” (Çexiya), “Soderin Rinkonada” (İspaniya), “Uniao Desportiva de Santana” (Portuqaliya) və “BBV Adlisvil-Sürix” (İsveçrə) olacaq. “Neftçi” yarışın ilk günündə Çexiya və İspaniya, ertəsi gün Portuqaliya, iyunun 13-də isə İsveçrə təmsilçisi ilə qarşılaşacaq. B qrupunun lideri birbaşa yarımfinala vəsiqə qazanacaq. İkinci yeri tutan klub isə mübarizəni 1/4 finaldan davam etdirəcək. Beş gün davam edəcək yarışda ölkəmizin şərəfini 6 kişi və 4 qadın idmançı qoruyacaq. Onlar Cavanşir Əlizadə, Kənan Rzayev, Orxan Qələndərov, Ceyhun Məmmədəliyev, Mirzə Orucov, Tural Rəsulov, Pərvin Əlizadə, Günay Hüseynova, Nərgiz Mehdiyeva və Alla Vlasyuk olacaq. Yarışlar fərdi, qoşa, qarışıq və komanda formasında olacaq.

• Azərbaycan kamandan oxatanları Avropa çempionatında mübarizə aparacaqlar
• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO
• Azərbaycan Üzgüçülük Federasiyası rekordçu Cəmil Əliyevə sertifikat təqdim edib