Bakı. Kənan Həsənov - APA-Sport. Sabah Gürcüstanın Batumi şəhərində 8 yaşadək oğlan və qız şahmatçılar arasında Avropa çempionatı start götürəcək. “APA-Sport” agentliyinin Azərbaycan Şahmat Federasiyasının mətbuat katibi Tural Baxışova istinadən verdiyi məlumata görə, yarışda ölkəmizi 8 idmançı təmsil edəcək. Oğlanların birinciliyində Çingiz Məhərrəmli, Şəmşəd Axundov, Abdulla Qədimli, Ağəli Hüseynzadə, Ayxan Musazadə və İlyas Həsənli mübarizə aparacaq. Qızlar arasında isə Xanım Balacayeva və Günay Məmmədzadə iştirak edəcək. İsveçrə sistemi ilə keçirilən və 9 turdan ibarət olan Avropa çempionatı iyunun 14-də başa çatacaq.

• Azərbaycan kamandan oxatanları Avropa çempionatında mübarizə aparacaqlar
• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO
• Azərbaycan Üzgüçülük Federasiyası rekordçu Cəmil Əliyevə sertifikat təqdim edib