“APA-Sport” agentliyinin məlumatına görə, Beynəlxalq Hokkey Federasiyasının (FİH) bununla bağlı yaydığı bəyanatda ispaniyalıların istifadəsi qadağan olunmuş dərman preparatından yararlandıqları təsdiqlənib. Az öncə adları açıqlanmayan həmin iki hokkeyçidən götürülən analizin A testi müsbət nəticə vermişdi. Laboratoriyada təkrar analiz - B testi aparılaraq, ispaniyalı oyunçuların Bakıda həqiqətən dopinqdən istifadə etdikləri bir daha təsdiqini tapıb. FİH rəhbərliyinin İspaniya yığması ilə bağlı hansı qərarı verəcəyi məlum deyil. Qarşıdakı günlərdə dopinqdə ilişmiş hokkeyçilər FİH-in hüquq komitəsi tərəfindən dindiriləcək. Yekun qərar iyunun sonlarınadək elan olunacaq. İspaniya milli komandası diskvalifikasiya ediləcəyi təqdirdə, Azərbaycan lisenziya xarakterli beynəlxalq turnirin finalçısı qismində Pekin Olimpiadasına vəsiqə qazanacaq. Pireney yarımadası təmsilçiləri həlledici qarşılaşmada yığmamızı 3:2 hesabı ilə məğlub etmişdi. İspaniyalılara qarşı diskvalifikasiya deyil, digər cəza növlərinin də tətbiq ediləcəyi istisna olunmur.

• Azərbaycan kamandan oxatanları Avropa çempionatında mübarizə aparacaqlar
• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO
• Azərbaycan Üzgüçülük Federasiyası rekordçu Cəmil Əliyevə sertifikat təqdim edib