İnsbruk. Elşən Məmmədov – APA-Sport. “İspaniya yığmasının Avropa çempionatının favoriti olduğunu dəfələrlə demişəm. Amma biz heç kimdən qorxmuruq”. “APA-Sport” agentliyinin məlumatına görə, bunu Rusiya milli komandasının baş məşqçisi Qus Hiddink bu gün Avstriyanın İnsbruk şəhərində keçirdiyi mətbuat konfransında deyib. Sabah İspaniya ilə Avropa çempionatının D qrupunda ilk oyununu keçirəcək qonşu ölkə yığmasının hollandiyalı çalışdırıcısı yetirmələrinin çoxunun milli komanda səviyyəsində belə məsul yarışda debüt edəcəklərini xatırladıb. Lakin 62 yaşlı mütəxəssis gənc futbolçuların müxtəlif klublarda beynəlxalq təcrübə topladıqlarını söyləyib: “İnanıram ki, tezliklə hər bir ispaniyalı azarkeş rusiyalı oyunçuların soyadlarını biləcək”.
Qeyd edək ki, İspaniya – Rusiya matçı sabah Bakı vaxtı ilə saat 21:00-da başlanacaq.

• Azərbaycan kamandan oxatanları Avropa çempionatında mübarizə aparacaqlar
• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO
• Azərbaycan Üzgüçülük Federasiyası rekordçu Cəmil Əliyevə sertifikat təqdim edib