Bakı. Kənan Həsənov - APA-Sport. Avropa Həndbol Federasiyası (EHF) 2008/09 avrokuboklar mövsümü üçün iştirak ərizələrinin qəbuluna başlayıb. “APA-Sport” agentliyinin Həndbol Federasiyasının rəsmisi İsgəndər Əsgərova istinadən verdiyi məlumata görə, hələlik iki Azərbaycan klubu bu yarışlarda iştirakını təsdiqləyib. Qadınlar arasında sonuncu Azərbaycan çempionu ABU kuboklar kubokuna qatılacaq. Çempionatın gümüş medalçısı “Qaradağ” klubu isə EHF kubokunda iştirak edəcək. Kişilərdən ibarət ölkə birinciliyinin son qalibi DİN klubunun avrokuboklara qatılması isə sual altındadır. Maliyyə imkanı məhdud olan və aparıcı həndbolçularını xarici klublara icarəyə verən DİN bu məsələ ilə bağlı yekun qərarını yaxın günlərdə açıqlayacaq.

• Azərbaycan kamandan oxatanları Avropa çempionatında mübarizə aparacaqlar
• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO
• Azərbaycan Üzgüçülük Federasiyası rekordçu Cəmil Əliyevə sertifikat təqdim edib