Bakı. Kənan Həsənov - APA-Sport. “Mütləq qələbə qazanmalı, və ya uduzmamalıydıq. Fikrimcə, çox gözəl oyun oldu. Hamı Türkiyə milli komandasının vacib oyunlarda necə çıxış etdiyini növbəti dəfə gördü. Şanssız bir qol buraxsaq da, ikinci hissədə əla oynadıq. Hesabda geri düşdükdən sonra meydan sahibinə qalib gəlmək asan deyil”. “APA-Sport” agentliyinin məlumatına görə, bu sözləri Türkiyə milli komandasının hücumçusu Nihat Qəhvəçi söyləyib. Komandasını İsveçrə önünə kapitan sarğısında çıxaran 29 yaşlı futbolçu ¼ finala yüksələcəklərinə inandığını bildirib: “Bu komandaya inanmaq və güvənmək lazımdır. Çexiyanı da məğlub edib qrupdan çıxacağımıza inanıram. Ümid edirəm ki, bizi izləyən türk xalqı çox xoşbəxtdir”.

• Azərbaycan kamandan oxatanları Avropa çempionatında mübarizə aparacaqlar
• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO
• Azərbaycan Üzgüçülük Federasiyası rekordçu Cəmil Əliyevə sertifikat təqdim edib