Bakı. Elşən Məmmədov - APA-Sport. Yeniyetmələrdən ibarət Azərbaycanın yunan-Roma güləşi üzrə milli komandasının baş məşqçisi Rəşad Rəşidov istefaya göndərilib. Bu haqda “APA-Sport” agentliyinə Güləş Federasiyasında milli komandaların rəisi Yaqub Məmmədov məlumat verib. Onun sözlərinə görə, R.Rəşidovu bunadək əsas yığmamızda baş məşqçi Elçin Cəfərovun köməkçisi kimi çalışmış Akif Əliyev əvəzləyib. Y.Məmmədov bildirib ki, istefaya səbəb sabiq baş məşqçinin rəhbərlik etdiyi komandamızın ötən ay Gürcüstanın Rustavi şəhərində keçirilən beynəlxalq turniri yarımçıq tərk edərək Bakıya qayıtması olub: “Rəşidov təşkilatçılar tərəfindən yığmamıza qarşı laqeyd və qərəzli münasibətə etiraz olaraq, güləşçilərimizlə birgə turniri yarımçıq tərk edib. Yarışda Beynəlxalq Güləş Federasiyaları Assosiasiyasının nümayəndəsi Ermənistandan olub. Nəticədə ermənistanlı nümayəndə Rəşidovun tutduğu hərəkətlə bağlı ali quruma şikayət edib”.
Qeyd edək ki, yeni baş məşqçinin ilk sınağı 24 – 29 iyunda Latviyanın Dauqavpils şəhərində keçiriləcək Avropa çempionatı olacaq.

• Bakı sakinləri övladlarını niyə idmana yazdırır? - SORĞU
• Nazir keçmiş müavini ilə selfisini paylaşdı-MÜZAKİRƏLƏRƏ SƏBƏB OLDU - FOTO
• Mariana Vasileva Gənclər və idman nazirinin müavini vəzifəsindən azad edilib
• AMADA və Milli Paralimpiya Komitəsi seminar keçirib
• "Şahdağ"da keçirilən Dünya Kubokuna yekun vurulub