Vyana. Elşən Məmmədov - APA-Sport. Avropa çempionatları tarixində qol vuran ən yaşlı futbolçu İvitsa Vastiç olub. Avstriya yığmasının yarımmüdafiəçisi Polşa ilə iyunun 12-də keçirilən B qrupunun ikinci tur qarşılaşmasında penaltidən fərqlənib. Əsas vaxta əlavə olunmuş üçüncü dəqiqədə penaltini dəqiq yerinə yetirərək, komandasını məğlubiyyətdən xilas edib – 1:1. Həmin vaxt İ.Vastiçin dünyaya gəlməsindən 38 il 8 ay 14 gün keçib. Avstriya yığmasının baş məşqçisi Yozef Hikkersberger oyundan sonra keçirilən mətbuat konfransında bildirib ki, Polşanın qapısına təyin olunan penaltini İ.Vastiçin dəqiq yerinə yetirəcəyinə əmin olub: “Biz penalti nöqtəsinə məhz Vastiçin yaxınlaşacağına dair razılığa gəlməmişdik. Amma penalti təyin olunarkən, İvitsanın ən təcrübəli oyunçu kimi məsuliyyəti öz üzərinə götürəcəyi müəyyənləşdi. O, 1998-ci il dünya çempionatında çıxış edib, böyük turnirlərin iştirakçısı olub. 99,9 faiz əmin idim ki, Vastiç mütləq qol vuracaq”.

• Azərbaycan kamandan oxatanları Avropa çempionatında mübarizə aparacaqlar
• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO
• Azərbaycan Üzgüçülük Federasiyası rekordçu Cəmil Əliyevə sertifikat təqdim edib