Bakı. Mehman Süleymanov - APA-Sport. “Bizə məğlub olmalarına baxmayaraq, Almaniya yığmasını yenə də Avropa çempionatının əsas favoritlərindən biri hesab edirəm. Artıq mübarizəni dayandıran İsveçrəni çıxmaq şərti ilə, digər milli komandaların hamısı titul qazana bilər. Çünki yığmalar arasında səviyyə fərqi nəzərə çarpan deyil”. “APA-Sport” agentliyinin məlumatına görə, bu fikirləri Xorvatiya yığmasının baş məşqçisi Slaven Biliç deyil. Avropa çempionatının ən gənc çalışdırıcısı olan xorvatiyalı layiqli qələbə qazandıqlarını bildirib: “Bu, əla matç idi. Futbolçularımızı həm qələbə, həm də yaxşı oyuna görə təbrik etmək istərdim. Almaniyanı yaxşı futbol nümayiş etdirmədən məğlub etmək mümkün deyil. Onlara meydanda nəzarəti ələ keçirməyə imkan vermək olmaz. Mənim üçün bu qalibiyyət İngiltərə üzərində “Uembli” stadionunda qazandığımız qələbədən daha önəmlidir”.

• Bakı sakinləri övladlarını niyə idmana yazdırır? - SORĞU
• Nazir keçmiş müavini ilə selfisini paylaşdı-MÜZAKİRƏLƏRƏ SƏBƏB OLDU - FOTO
• Mariana Vasileva Gənclər və idman nazirinin müavini vəzifəsindən azad edilib
• AMADA və Milli Paralimpiya Komitəsi seminar keçirib
• "Şahdağ"da keçirilən Dünya Kubokuna yekun vurulub