Bakı. Vüqar Xeyrullayev - APA-Sport. “Biz istənilən halda Türkiyə yığmasından güclüyük. Bunu yalnız meydanda sübut etmək qalır”. “APA-Sport” agentliyinin məlumatına görə, bu sözləri Xorvatiya milli komandasının müdafiəçisi Hrvoye Veyiç deyib. İyunun 20-də keçiriləcək ¼ final oyunu ərəfəsində xorvatiyalı futbolçu Türkiyə milli komandasını təhlükəli rəqib sayır: “Rəqibin zəif olduğunu demək düzgün olmazdı. Hamı bizim də Almaniyadan zəif olduğumuzu söyləyirdi. Amma biz onlara qalib gəldik. Bir oyunda hər şeyin olması mümkündür. Elə türkiyəlilər də heç vaxt əllərini aşağı salmadığını təsdiqləyib. Onlar həm İsveçrə, həm də Çexiya ilə görüşdə qələbə üçün alışıb yanırdılar. Hər iki halda da qalib gəlməyi bacardılar. Bunu qiymətləndirməmək olmaz. Lakin onlar yorulub. Bizim əsas heyət oyunçuları isə bir az istirahət edə bilib. Xorvatiya yığması Hollandiya, İspaniya və Portuqaliya ilə birlikdə turnirin favoritlərindən biridir”.

• Kamandan oxatma üzrə Bakı Kubokunun I mərhələsi keçiriləcək
• Azərbaycan İdman Rəqsləri Federasiyasının yeni prezidenti seçilib
• Yevlax 2027-ci il üçün Azərbaycanın "İdman Paytaxtı" seçilib
• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib