Bakı. Kənan Həsənov - APA-Sport. Slovakiyanın Banka Bıstritsa şəhərində atletika üzrə Avropa Kubokunun II divizionunda yarışlara yekun vurulub. “APA-Sport” agentliyinin məlumatına görə, birincilik Azərbaycan milli komandası üçün uğurlu alınıb. Belə ki, 100 m məsafəyə qaçışda Pekin Olimpiadasına lisenziya qazanan Ruslan Abbasov 10.31 saniyə nəticə ilə birinci yeri tutub. R.Abbasov, Ramil Quliyev, Valentin Bulıçev və Pavel Setindən ibarət milli komandamız da eyni məsafəyə estafet yürüşündə qızıl medal qazanıb. Digər təmsilçilərimiz ayrı-ayrı növlərdə fəxri kürsüyə yüksələ bilməyiblər. Ümumi hesabda kişilərdən ibarət komandamız 66 xalla 8-ci, qadın yığmamız isə 33 xalla 13-cü olub.

• AMADA-nın yeni antidopinq qaydaları WADA ilə razılaşdırılıb
• Azərbaycan kamandan oxatanları Avropa çempionatında mübarizə aparacaqlar
• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO