Poznan. Elşən Məmmədov – APA-Sport. İyunun 27-də Polşanın Poznan şəhərində kayak və kanoe qayıqlarında avarçəkmə üzrə Dünya Kubokunun III mərhələsi start götürəcək. “APA-Sport” agentliyinin məlumatına görə, 41 ölkədən 341 idmançının qatılacağı yarışda Azərbaycan avarçəkənləri də mübarizə aparacaqlar. Kayakçıların mübarizəsində 1 nəfərlik qayıqda Fikrət Zeynalov, 2 nəfərlik qayıqda isə Fikrət Zeynalov – Elmar Məmmədov dueti çıxış edəcək. Kanoeçilərimizə gəldikdə, Aleksandr Kasatkinlə Dünya Kubokunun I mərhələsinin qalibi Valentin Demyanenko 1 nəfərlik qayıqlarda qüvvələrini sınayacaqlar. Bütün idmançılarımız 200 və 500 metr məsafələrə yürüşdə iştirak edəcəklər. Yarış üç gün davam edəcək.

• AMADA-nın yeni antidopinq qaydaları WADA ilə razılaşdırılıb
• Azərbaycan kamandan oxatanları Avropa çempionatında mübarizə aparacaqlar
• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO