Bakı. Mehman Süleymanov - APA-Sport. UEFA Almaniya və Türkiyə yığmaları arasında keçirilən Avropa çempionatının yarımfinal oyunu ilə bağlı rəsmi bəyanat yayıb. “APA-Sport” agentliyinin məlumatına görə, qitə futbol qurumu Avropanın bütün ölkələrində matçın teleyayımının fasilələrlə kəsilməsinə aydınlıq gətirib. Məsələ ondadır ki, Avstriyada çaxan güclü şimşək nəticəsində paytaxt Vyanada yerləşən beynəlxalq yayım mərkəzində enerji təchizatı kəsilib: “Almaniya - Türkiyə oyunu zamanı beynəlxalq yayım mərkəzində siqnal bir neçə dəfə texniki səbəbdən kəsilib. Bununla bağlı araşdırılma aparılıb və indi demək olar ki, yayımdakı problemlər Vyanada çaxan şimşəklə bağlı olub”.
Qeyd edək ki, dünən axşam Vyanada külək saatda 100 kilometr sürətlə əsib.

• AMADA-nın yeni antidopinq qaydaları WADA ilə razılaşdırılıb
• Azərbaycan kamandan oxatanları Avropa çempionatında mübarizə aparacaqlar
• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO