Bakı. Mehman Süleymanov - APA-Sport. İspaniya yığması Almaniya millisi ilə Avro-2008-in final oyununa ciddi itki ilə çıxacaq. “APA-Sport” agentliyinin məlumatına görə, ispanlar iyunun 29-da Avstriyanın paytaxtı Vyanada “Ernst Happel” stadionunda keçiriləcək final matçında əsas hücumçularından olan David Vilyanın xidmətindən istifadə edə bilməyəcək. Komandanın baş məşqçisi Luis Araqonesin bunu zədə problemi ilə əlaqələndirib: “Vilya final matçında oynamayacaq. Buna səbəb onun əzələsini dartmasıdır”. L.Araqones 27 yaşlı hücumçunu Rusiya yığması ilə yarımfinal görüşündə zədəyə görə artıq 35-ci dəqiqədə Sesk Fabreqasla əvəzləməli olub.
Qeyd edək ki, vurduğu dörd qolla Avro-2008-nin bombardiri olan D.Vilya bunun üçünü qrupda ilk oyunda ruslara (4:1) vurub.

• AMADA-nın yeni antidopinq qaydaları WADA ilə razılaşdırılıb
• Azərbaycan kamandan oxatanları Avropa çempionatında mübarizə aparacaqlar
• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO