Poznan. Elşən Məmmədov – APA-Sport. Polşanın Poznan şəhərində keçirilən kayak və kanoe qayıqlarında avarçəkmə üzrə Dünya Kubokunun III mərhələsində Azərbaycan idmançıları 500 metr məsafəyə yürüşdə də qüvvələrini sınayıblar. “APA-Sport” agentliyinin məlumatına görə, seçmə mərhələdə kanoeçilərin mübarizəsində 1 nəfərlik qayıqda çıxış edən Valentin Demyanenko bu məsafəni də uğurla dəf edib. Finişə 1:53.330 dəqiqəyə çatan V.Demyanenko 7 ölkə təmsilçisi arasında I olub və birbaşa finala vəsiqə qazanıb. Eyni kateqoriyalı qayıqda yarışan digər kanoeçimiz Aleksandr Kasatkin isə yarımfinalda çıxış etmək hüququna yiyələnib. Seçmə mərhələdə 2:01.523 dəqiqə nəticə göstərən A.Kasatkin 7 idmançı arasında IV yeri tutub.
Kayakçıların mübarizəsində 1 nəfərlik qayıqda çıxış edən Fikrət Zeynalov da adını yarımfinal iştirakçıları sırasına yazdırmağı bacarıb. F.Zeynalov seçmə mərhələdə 1:54.564 dəqiqə nəticə ilə 7 iştirakçı arasında VI olub ki, bu da onun növbəti mərhələyə çıxmasına imkan verib. 2 nəfərlik qayıqda isə Fikrət Zeynalov – Elmar Məmmədov dueti seçmə mərhələdəcə mübarizəni dayandırıb. Onlar 1:56.600 dəqiqəlik nəticə ilə 9 iştirakçı arasında sonuncu olublar.
Qeyd edək ki, 200 metrlik məsafəyə yürüşdə də V.Demyanenko finala, A.Kasatkin isə yarımfinala vəsiqə qazanıb.

• Bakı sakinləri övladlarını niyə idmana yazdırır? - SORĞU
• Nazir keçmiş müavini ilə selfisini paylaşdı-MÜZAKİRƏLƏRƏ SƏBƏB OLDU - FOTO
• Mariana Vasileva Gənclər və idman nazirinin müavini vəzifəsindən azad edilib
• AMADA və Milli Paralimpiya Komitəsi seminar keçirib
• "Şahdağ"da keçirilən Dünya Kubokuna yekun vurulub