Bakı. Kənan Həsənov - APA-Sport. Latviyanın paytaxtı Riqada keçirilən bilyard üzrə “United Oils Cup” beynəlxalq turniri başa çatıb. “APA-Sport” agentliyinin Azərbaycan Bilyard İdmanı Federasiyasının prezidenti İlham Aslanova istinadən verdiyi məlumata görə, milli komandamızın üzvü Azər Hacıyev yarışın qalibi olub. Təcrübəli bilyardçımız finalda finlandiyalı Petri Poxyolanı məğlub edərək, 3000 ABŞ dolları mükafat qazanıb. Federasiya prezidenti İlham Aslanovla yığmamızın digər üzvü Rauf Mustafayev isə mübarizəni seçmə mərhələdə dayandırıb. Ümumi mükafat fondu 30 000 ABŞ dolları olan turnirdə 48 bilyardçı qüvvəsini sınayıb.

• Bakı sakinləri övladlarını niyə idmana yazdırır? - SORĞU
• Nazir keçmiş müavini ilə selfisini paylaşdı-MÜZAKİRƏLƏRƏ SƏBƏB OLDU - FOTO
• Mariana Vasileva Gənclər və idman nazirinin müavini vəzifəsindən azad edilib
• AMADA və Milli Paralimpiya Komitəsi seminar keçirib
• "Şahdağ"da keçirilən Dünya Kubokuna yekun vurulub