Bakı. Kənan Həsənov - APA-Sport. Azərbaycanın ən güclü şahmatçısı Teymur Rəcəbov 2009-cu il yanvarın 1-də Hollandiyanın Veyk-an-Zee şəhərində start götürəcək “Corus” superturnirində iştirak edəcək. “APA-Sport” agentliyinin məlumatına görə, yarışda 21 yaşlı həmyerlimizlə yanaşı, Levon Aronyan (Ermənistan), Sergey Movsesyan (Slovakiya), Maqnus Karlsen (Norveç), Aleksandr Morozeviç (Rusiya), Sergey Karyakin, Vasili İvançuk (hər ikisi Ukrayna), Qata Kamski (ABŞ), Luk van Veli, Yan Smits və Daniel Stelvagenin (hamısı Hollandiya) iştirakı təsdiqlənib. Təşkilatçılar turnirə qatılacaq digər üç qrossmeysterin adını oktyabrda açıqlayacaq.
Qeyd edək ki, T.Rəcəbov indiyədək “Corus” superturnirində üç dəfə mübarizə aparıb. Qrossmeysterimiz 2003-cü ildə 9-cu (6,5 xal), 2007-ci ildə 1-ci (8,5 xal), bu il 3-cü (7,5 xal) yeri tutub. 2006-cı ildə turnirə qatılan digər təmsilçimiz Şəhriyar Məmmədyarov isə 4,5 xalla 14 şahmatçı arasında 12-ci olub.

• Bakı sakinləri övladlarını niyə idmana yazdırır? - SORĞU
• Nazir keçmiş müavini ilə selfisini paylaşdı-MÜZAKİRƏLƏRƏ SƏBƏB OLDU - FOTO
• Mariana Vasileva Gənclər və idman nazirinin müavini vəzifəsindən azad edilib
• AMADA və Milli Paralimpiya Komitəsi seminar keçirib
• "Şahdağ"da keçirilən Dünya Kubokuna yekun vurulub