Vyana. Elşən Məmmədov – APA-Sport. Avstriyanın paytaxtı Vyanada otüstü hokkey üzrə gənc qızlar arasında Avropa çempionatının “Çelenc” divizionunda III turun oyunları keçirilib. “APA-Sport” agentliyinin məlumatına görə, yarışda iştirak edən Azərbaycan yığması Slovakiya ilə qarşılaşıb. Artıq ilk iki turdan sonra finala vəsiqəni təmin etmiş millimiz meydanı yenə qələbə ilə tərk edib - 5:2. Digər görüşdə Avstriya Türkiyəni yenib – 6:0. Qrup oyunlarının yekununa əsasən, 3 matçda 9 xal toplayan yığmamız I yeri tutur. Millimiz bu gün finalda 6 xalla II pillədə olan Avstriya ilə qarşılaşacaq.
Qeyd edək ki, komandamız qrup mərhələsində avstriyalıları 3:1 hesablı məğlubiyyətə uğradıb.

• AMADA-nın yeni antidopinq qaydaları WADA ilə razılaşdırılıb
• Azərbaycan kamandan oxatanları Avropa çempionatında mübarizə aparacaqlar
• Azərbaycan atıcısı Avropa Kubokunda qızıl medal qazanıb
• AMADA antidopinq üzrə sertifikatlı mütəxəssislərin hazırlanmasına başlayıb
• Qubada "Dağçılıq və Təbiət Turniri - Qrız 2026" təşkil edilib - FOTO