Bakı. Kənan Həsənov - APA-Sport. Azərbaycanın 21 yaşadək qızlardan ibarət otüstü hokkey üzrə milli komandası Avstriyanın paytaxtı Vyanada təşkil olunan Avropa çempionatının Çelenc divizionunun qalibi olub. “APA-Sport” agentliyinin məlumatına görə, Mixail Pinkovun rəhbərlik etdiyi yığmamız turnirin finalında meydan sahiblərini 1:0 hesabı ilə məğlub edib. Komandamız bu nəticə ilə Trofi divizionunda çıxış etmək hüququ qazanıb.
İtaliyanın Bra şəhərində keçirilən 21 yaşadək oğlanlardan ibarət komandaların Trofi divizionu yarışı isə Azərbaycan yığması üçün uğursuz başa çatıb. Saleh Hüseynovla Yusif Qasımovun rəhbərlik etdiyi kollektiv sonuncu görüşdə Türkiyəni 2:1 hesabı ilə məğlub edərək 9-cu yeri tutub. Avropa çempionatının ən yüksək divizionuna yüksələ bilməyən milli komandamız növbəti mövsümdən etibarən Çelenc divizionunda mübarizə aparacaq.

• “Neftçi” İdman Klubu ötən ili 1001 medalla başa vurub
• Bakı sakinləri övladlarını niyə idmana yazdırır? - SORĞU
• Nazir keçmiş müavini ilə selfisini paylaşdı-MÜZAKİRƏLƏRƏ SƏBƏB OLDU - FOTO
• Mariana Vasileva Gənclər və idman nazirinin müavini vəzifəsindən azad edilib
• AMADA və Milli Paralimpiya Komitəsi seminar keçirib