Bakı. Elşən Məmmədov – APA-Sport. 2008-ci il Pekin Olimpiadasında çıxış edəcək Azərbaycan cüdoçuları sabah Qazaxıstanın Almatı şəhərinə təlim-məşq toplantısına yollanacaqlar. Cüdo Federasiyasının mətbuat xidmətindən «APA-Sport» agentliyinə verilən məlumata görə, baş məşqçi Ağayar Axundzadənin rəhbərliyi altında səfərə çıxacaq yığmamızın heyətində 6 idmançı və daha 2 məşqçi – Hacıağa Hacıəhmədov və İbadulla Şabanov yer alacaq. Cüdoçularımız Kifayət Qasımova (57 kq), Ramil Qasımov (66 kq), Elnur Məmmədli (73 kq), Mehman Əzizov (81 kq), Elxan Məmmədov (90 kq) və Mövlud Mirəliyev (100 kq) qonşu ölkədə Qazaxıstan, Gürcüstan, Yunanıstan və digər ölkə təmsilçiləri ilə bərabər bir həftəyədək hazırlıq prosesi keçəcəklər. Komandamız avqustun 5-də Almatıdan Çinin paytaxtına yollanacaq. Bundan dörd gün sonra Pekin Olimpiadasında cüdo yarışları start götürəcək. İdmançılarımız isə avqustun 10-dan mübarizəyə başlayacaqlar. Həmin gün tatami üzərinə R.Qasımov çıxacaq. Ertəsi gün E.Məmmədli və K.Qasımova, sonrakı üç gün ərzində isə ardıcıl olaraq, M.Əzizov, E.Məmmədov və M.Mirəliyev mübarizəyə qoşulacaqlar.

• “Neftçi” İdman Klubu ötən ili 1001 medalla başa vurub
• Bakı sakinləri övladlarını niyə idmana yazdırır? - SORĞU
• Nazir keçmiş müavini ilə selfisini paylaşdı-MÜZAKİRƏLƏRƏ SƏBƏB OLDU - FOTO
• Mariana Vasileva Gənclər və idman nazirinin müavini vəzifəsindən azad edilib
• AMADA və Milli Paralimpiya Komitəsi seminar keçirib