“İlk qarşılaşmada rəqibim rumıniyalı Çiçeryanu idi. Birinci raundda rəqibim bir qədər ciddi müqavimət göstərdi. Amma ikinci, üçüncü hissdə üstünlüyü ələ alıb qalib gəldim”. Apasport.az saytının məlumatına görə, bunu Avropa Olimpiya təsnifat turnirində ilk qələbəsindən sonra Azərbaycan milli komandasının boksçusu Elvin İsayevin (60 kq) deyib.

Həmyerlimizin ikinci mərhələdə rəqibi yerli boksçu Fatih Keleş olacaq. Yeniyetmələrin ilk Olimpiya Oyunlarının mükafatçısı bu döyüşdə qalib gəlmək üçün əlindən gələni edəcəyini bildirib: “İkinci görüşdə Türkiyə boksçusu Fatih Keleşlə qarşılaşacam. Ötən il Avropa çempionatında da onunla üz-üzə gəlmişdim. O zaman üstünlük mənim tərəfimdə olsa da, hakimlər qələbi 1 xalla ona vermişdilər. Bu dəfə də yerli boksçu ilə görüşəcəm deyə, çətin olcaq. Amma bu mənim üçün revanşdır. Qələbə qazanmaq üçün var-güclə mübarizə apacam”.

• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq
• Heydər Əliyevin xatirəsinə həsr edilmiş badminton turniri keçiriləcək
• Yelkən idmanı üzrə "Prezident Kuboku 2026"nın ilk yarış günü başa çatıb 
• Sərbəst Piramida bilyard üzrə ölkə çempionatı keçiriləcək