Malayziya idmançı Nur Saryani Məhəmməd Taibi London Yay Olimpiya Oyunlarında bütün diqqətləri özünə cəlb edəcək. Apasport.az saytının məlumatına görə, güllə atıcılığında qüvvəsini sınayacaq 29 yaşlı xanım idmançı yarış zamanı hamiləliyinin 9-cu ayında olacaq.

Bu növdə yarışlar iyulun 28-dən avqustun 6-na qədər davam edəcək. Olimpiadanın açılışı zamanı hamiləliyinin 33-cü həftəsində olacaq Taibi həkimlərin verdiyi proqnoza görə, sentyabrın 2-də dünyaya körpə gətirəcək.

Lakin bu məqam malayziyalını nəinki narahat edir, əksinə daha da ruhlandırır: “Mən yarış öncəsi bətnimdəki körpəmlə söhbət edəcəm. Ondan xahiş edəcəm ki, 1 saat 15 dəqiqə ərzində tərpənməsin. Londona iyulun 25-də gedəcəyəm, çünki həkimlər bundan gec təyyarə ilə oraya yollanmağı məsləhət görmürlər. Yarışdan dərhal sonra evə qayıdacağam”.
Qeyd edək ki, güllə atıcılığında Azərbaycan Afina-2004-ün bürünc mükafatçısı İradə Aşumova təmsil edəcək.

• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq
• Heydər Əliyevin xatirəsinə həsr edilmiş badminton turniri keçiriləcək
• Yelkən idmanı üzrə "Prezident Kuboku 2026"nın ilk yarış günü başa çatıb 
• Sərbəst Piramida bilyard üzrə ölkə çempionatı keçiriləcək