2020-ci il Yay Olimpiya və Paralimpya Oyunlarına ev sahibliyi etmək istəyən Bakı şort-listə düşəcəyi halda, büdcəsini xeyli artıracaq. Apasport.az saytının məlumatına görə, bunu Azərbaycan Milli Olimpiya Komitəsinin vitse-prezidenti Çingiz Hüseynzadə Rusiya mətbuatına açıqlamasında deyib.

O bildirib ki, Bakı ikinci mərhələyə keçib, iddiaçı şəhərlərin sırasında yer alarsa, büdcəsi 8 milyon dollardan 44 milyon dollara kimi artırılacaq: “İlk mərhələdə 8 milyon dollar büdcə müəyyənləşdirmişik. Bunu dövlət ayırıb. Əgər şort-listə düşsək, büdcə tam başqa olacaq. Bu zaman artıq şəxsi vəsaitlər də cəlb ediləcək. Oyunların özünün büdcəsini hələ müəyyənləşdirməmişik. İkinci mərhələyə keçəcəyimiz halda isə büdcəmiz 44 milyon təşkil edəcək”.

Qeyd edək ki, mayın 25-də Kanadanın Kvebek şəhərində Beynəlxalq Olimpiya Komitəsinin iclasında mərhələ adlayacaq iddiaçıların adları açıqlanacaq. Ardıcıl 2-ci dəfə Olimpiadaya ev sahibliyi etmək marafonuna qoşulan Bakı bu dəfə mübarizədən qalib ayrılacağına böyük ümid bəsləyir.

Bu yolda isə paytaxtımızın rəqibləri Doha (Qətər), Tokio (Yaponiya), İstanbul (Türkiyə) və Madrid (İspaniya) şəhərləridir.

• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq
• Heydər Əliyevin xatirəsinə həsr edilmiş badminton turniri keçiriləcək
• Yelkən idmanı üzrə "Prezident Kuboku 2026"nın ilk yarış günü başa çatıb 
• Sərbəst Piramida bilyard üzrə ölkə çempionatı keçiriləcək