Türkiyənin Trabzon şəhərində boks üzrə Avropa Olimpiya təsnifat turnirinə yekun vurulub. Apasport.az saytının xəbərinə görə, finala vəsiqə qazanmış iki boksçumuzdan yalnız biri rinqə çıxıb.

56 kq çəki dərəcəsində mübarizə aparan Məhəmməd Abdulhəmidovun böyrəyindən daş sidik kisəsinə düşdüyündən o final döyüşündən imtina edib.

Beləliklə, 56 kq çəki dərəcəsində Ukrayna boksçusu Pavlo İşenko mübarizəsiz yarışın qalibi olub. 81 kq çəki dərəcəsində yarışan Vətən Hüseynli isə finalda Türkiyə təmsilçisi Bəhram Müzəffərlə üz-üzə gəlib.

Boksçumuz ilk raunddan sonra 2 xal fərqlə öndə olsa da, sonradan üstünlüyü əldən verib. Nəticədə, 12:18 hesabı ilə məğlub olan Hüseynli yarışın gümüş medalına layiq görülüb.

Qeyd edək ki, boksçumuza medalları AİBA İcraiyyə Komitəsinin üzvü, Azərbaycan Boks Federasiyasının vitse-prezidenti Süleyman Mikayılov və ABF-nin vitse-prezidenti Vüsal Novruzov təqdim ediblər. Beləliklə, Azərbaycan milli komandası Türkiyədə London Olimpiadasına daha 2 lisenziya qazanıb. Hazırda boks idman növündə 7 Olimpiya vəsiqəmiz var.

• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq
• Heydər Əliyevin xatirəsinə həsr edilmiş badminton turniri keçiriləcək
• Yelkən idmanı üzrə "Prezident Kuboku 2026"nın ilk yarış günü başa çatıb 
• Sərbəst Piramida bilyard üzrə ölkə çempionatı keçiriləcək