Rusiyanın Çelyabinsk şəhərində cüdo üzrə Avropa çempionatı davam edir. Apasport.az saytının məlumatına görə, birinci yarış günündə mükafat qazana bilməyən Azərbaycan milli komandası növbəti gündə də medala həsrət qalıb.

Belə ki, bu dəfə Ağayar Axundzadənin yetirmələrindən Rüstəm Orucov (73 kq), Elxan Rəcəbli (90 kq) və Ramilə Yusubova (63 kq) tatamiyə çıxıblar. Onlardan isə ən yaxşı nəticəni xanım idmançımız göstərib. O, 5-ci yeri tutub.

Bu gün mübarizəyə Elxan Məmmədov, Timur Əlixanov (hər ikisi 90 kq) və Elmar Qasımov (100 kq) qoşulacaqlar.

Qeyd edək ki, yarışın ilk günündə Orxan Səfərov (60 kq) ilk, Tərlan Kərimov, Nicat Şıxəlizadə (hər ikisi 66 kq) və Kifayət Qasımova (57 kq) isə ikinci döyüşdə uduzmuşdular.

• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq
• Heydər Əliyevin xatirəsinə həsr edilmiş badminton turniri keçiriləcək
• Yelkən idmanı üzrə "Prezident Kuboku 2026"nın ilk yarış günü başa çatıb 
• Sərbəst Piramida bilyard üzrə ölkə çempionatı keçiriləcək