Qadın otüstü hokkeyçilər arasında London Yay Olimpiya Oyunlarının təsnifat yarışında IV turun oyunları keçirilib. Apasport.az saytının məlumatına görə, Yaponiyanın Kakamigahara şəhərində baş tutan yarışın əvvəlki 3 turunda xal itirməyən Azərbaycan millisi ilk məğlubiyyətini alıb.

Komandamızı ev sahibləri və turnirin favoriti olan yaponlar məğlub ediblər. Düzdür, hesabı matçın 6-cı dəqiqəsində yığmamız açıq. Lakin asiyalılar Han Taejeonqun qolundan sonra 4 dəfə fərqlənməklə, 4:1 hesablı qələbə qazanıblar.

Bundan sonra Yaponiya millisi turnir cədvəlində birinci pilləyə yüksəlib. Aktivində 10 xalı olan “Gündoğar ölkə”nin hokkeyçiləri ikinci yerə enən həmyerlilərimizi 1 xal qabaqlayırlar. 3-cü pillədə qərarlaşan Çili millisi isə 7 xala malikdir.

Mayın 3-də - son turda Azərbaycan və Çili komandalarının oynayacağını nəzərə alsaq, artıq yaponlar finalda rəqiblərini gözləyir. Son mərhələdə onlarla qarşılaşmaq üçün isə yığmamıza uduzmamaq lazımdır. Çünki reqlamentə əsasən, ilk 2 pilləni tutacaq millilər bir daha oynayacaq və qalib gələcək komanda London-2012-yə vəsiqə qazanacaq.


Yaponiya 4 3 1 0 19-1 10
Azərbaycan 4 3 0 1 13-4 9
Çili 4 2 1 1 6-4 7
Belarus 3 1 1 1 5-6 4
Malayziya 4 0 1 3 3-16 1
Avstriya 3 0 0 2 0-15 0

Qeyd edək ki, IV turun son matçında Avstriyanı sınağa çəkəcək Belarus da qalib gələcəyi halda finala yüksəlmək şansını saxlayacaq. Lakin onlar V oyun günündə Yaponiya ilə oynayacaqlarında qalib gələcəkləri inandırıcı deyil.

• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq
• Heydər Əliyevin xatirəsinə həsr edilmiş badminton turniri keçiriləcək
• Yelkən idmanı üzrə "Prezident Kuboku 2026"nın ilk yarış günü başa çatıb 
• Sərbəst Piramida bilyard üzrə ölkə çempionatı keçiriləcək