Mayın 5-6-da Bakıda keçiriləcək cüdo üzrə Qran-pri turnirində iştirak edəcək ölkələrin siyahısı açıqlanıb. Apasport.az saytının məlumatına görə, “Sərhədçi” Olimpiya Mərkəzində təşkil ediləcək yarışda Azərbaycan milli komandası ilə yanaşı, 20 ölkənin yığması qüvvəsini sınayacaq.

Millimiz yarışda 34 (27 kişi, 7 qadın) cüdoçu ilə təmsil olunacaq. Qran-pridə ümumilikdə isə 86 kişi və 34 qadın idmançı mübarizə aparacaq.

Qeyd edək ki, yarışın ilk günündə 48 kq, 52 kq, 57 kq (qadınlar), 60 kq, 66 kq və 73 kq (kişilər) çəki dərəcələrində qaliblər müəyyənləşəcək. Mayın 6-da isə tatami çəkisi 63 kq, 70 kq, 78 kq, +78 kq (qadınlar), 81 kq, 90 kq, 100 kq və +100 kq olan cüdoçuların ixtiyarına veriləcək.

• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq
• Heydər Əliyevin xatirəsinə həsr edilmiş badminton turniri keçiriləcək
• Yelkən idmanı üzrə "Prezident Kuboku 2026"nın ilk yarış günü başa çatıb 
• Sərbəst Piramida bilyard üzrə ölkə çempionatı keçiriləcək