Bakıda keçirilən cüdo üzrə Qran-pri turnirinin ilk gününə yekun vurulub. Apasport.az saytının məlumatına görə, yarışın birinci gündə tatamiyə çıxan Azərbaycan milli komandasının 16 idmançısından 9-u medal qazanıb.

Belə ki, Ağayar Axundzadənin yetirmələrindən İlqar Müşkiyev (60 kq), Rüstəm Orucov (73 kq) və Kifayət Qasımova (57 kq) bütün rəqiblərinə qalib gələrək, Qran-prinin qalibi adını qazanıblar. Yalnız finalda uduzan Vəfa Eyvazova (48kq) və Gülşən Nəzərova (52 kq) gümüş medalla kifayətləniblər. Yığmamızın heyətində Orxan Səfərov (60 kq), Nicat Şıxəlizadə (66 kq), Tərlan Kərimov (66 kq) və Turanə Seyidi (52 kq) isə 3-cü yeri tutublar.

Qeyd edək ki, bu gün daha 23 cüdoçumuz nəyə qadir olduğunu göstərəcək.

• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq
• Heydər Əliyevin xatirəsinə həsr edilmiş badminton turniri keçiriləcək
• Yelkən idmanı üzrə "Prezident Kuboku 2026"nın ilk yarış günü başa çatıb 
• Sərbəst Piramida bilyard üzrə ölkə çempionatı keçiriləcək