Stend atıcılığı üzrə İtaliyanın Lonato şəhərində keçirilən Dünya Kubokunun mərhələ yarışı davam edir. Apasport.az saytının məlumatına görə, turnirə 3 snayperlə qatılan Azərbaycan milli komandasının daha bir üzvü mükafatçılar sırasında yer ala bilməyib.

Belə ki, Elvin İsmayılovun ardından Olimpiya çempionumuz Zemfira Meftahətdinova da hədəfə düşə bilməyib. Skit növündə yarışan təmsilçimiz təsnifat mərhələsində 69 xal toplayıb və finala çıxa bilməyib. Bu isə onun 11-ci olması ilə nəticələnib. Qızıl medallara isə 95 xalla slovakiyalı Danka Bartekova yiyələnib.

Qeyd edək ki, mayın 8-dək davam edəcək turnirdə Emin Cəfərov hələ mübarizəyə qoşulmayıb.

• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq
• Heydər Əliyevin xatirəsinə həsr edilmiş badminton turniri keçiriləcək
• Yelkən idmanı üzrə "Prezident Kuboku 2026"nın ilk yarış günü başa çatıb 
• Sərbəst Piramida bilyard üzrə ölkə çempionatı keçiriləcək