Mayın 10-da Şağan Olimpiya İdman Kompleksində mərhum prezident Heydər Əliyevin xatirəsinə həsr olunmuş yeniyetmələr arasında ənənəvi boks turnirinə start veriləcək. Boks Federasiyasından apasport.az saytına verilən məlumata görə, yarışda Azərbaycan komandası ilə yanaşı, Macarıstan, Bolqarıstan, Rusiya, Özbəkistan, Ukrayna, Qazaxıstan, İsrail, Gürcüstan və Hindistan boksçuları da iştirak edəcəklər.

Yarışın rəsmi açılış mərasimi mayın 10-da saat 15.00-da olacaq. Final döyüşləri mayın 13-də saat 14.00-da başlayacaq. Azərbaycan milli komandası turnirdə geniş tərkibli heyətlə mübarizə aparacaq. Yarışda fərqlənən bokçularımız yığmamızın heyətinə cəlb ediləcək və onlar iyunun 23-dən iyulun 1-ə kimi Bolqarıstanın paytaxtı Sofiyada keçiriləcək yeniyetmələr arasında Avropa birinciliyində güclərini sınayacaqlar.

• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq
• Heydər Əliyevin xatirəsinə həsr edilmiş badminton turniri keçiriləcək
• Yelkən idmanı üzrə "Prezident Kuboku 2026"nın ilk yarış günü başa çatıb 
• Sərbəst Piramida bilyard üzrə ölkə çempionatı keçiriləcək