Azərbaycanın peşəkar boksçusu Fariz Məmmədov (66 kq) 7 illik fasilədən sonra ilk döyüşünü keçirib. Apasport.az saytının məlumatına görə, Almaniyanın Vaysvater şəhərində təşkil olunan görüşdə təmsilçimiz Avstriyada yaşayan Ermənistan boksçusu Jeqise Tomasyanın gücünü yoxlayıb.

WBCA versiyası üzrə keçirilən döyüşdə 28 yaşlı Tomasyanla qarşılaşma 12 raunddan ibarət olsa da, həmyerlimiz 4-cü raundda rəqibini nokauta salaraq, layiqli qələbə qazanıb.

Qeyd edək ki, döyüşdən öncə Məmmədov həbsdən çıxdıqdan cəmi 4 ay sonra mübarizəyə başlamasına səbəb kimi rəqibin məhz erməni olmasını göstərmişdi.

• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq
• Heydər Əliyevin xatirəsinə həsr edilmiş badminton turniri keçiriləcək
• Yelkən idmanı üzrə "Prezident Kuboku 2026"nın ilk yarış günü başa çatıb 
• Sərbəst Piramida bilyard üzrə ölkə çempionatı keçiriləcək