Çin Xalq Respublikasının Quançjao şəhərində boks üzrə qadınlar arasında dünya çempionatı davam edir. Apasport.az saytının məlumatına görə, Azərbaycan milli komandasının üzvü Yelena Vıstropova (75 kq) lisenziya xarakterli yarışda ikinci qələbəsini qazanıb.

Boksçumuz braziliyalı Roseli Amaral Feitosanı 17:12 hesabı ilə məğlub edib. Vıstropova 1/8 final mərhələsində rumıniyalı Luminita Turçinlə qarşılaşacaq. Turçin Ermənistan nümayəndəsi Aşken Simonyanı 24:6 hesabı ilə məğlub edib.

Xatırladaq ki, yığmamızın üzvü ilk görüşdə Belarus təmsilçisi Viktoriya Kebikova üzərində qələbə qazanmışdı. Vıstropova rumıniyalı rəqibi ilə sabah üz-üzə gələcək.

• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq
• Heydər Əliyevin xatirəsinə həsr edilmiş badminton turniri keçiriləcək
• Yelkən idmanı üzrə "Prezident Kuboku 2026"nın ilk yarış günü başa çatıb 
• Sərbəst Piramida bilyard üzrə ölkə çempionatı keçiriləcək