Şağan Olimpiya İdman Kompleksində mərhum prezident Heydər Əliyevin xatirəsinə həsr olunmuş boks üzrə yeniyetmələr arasında beynəlxalq turnirə yekun vurulub. Boks Federasiyasından apasport.az saytına verilən məlumata görə, yarışda Azərbaycan idmançıları ilə yanaşı, Rusiya, Ukrayna, Qazaxıstan, Hindistan, Özbəkistan, Macarıstan, Bolqarıstan, İsrail, Türkiyə və Gürcüstan boksçuları da iştirak edib.

Milli komandamız yarışda 3 heyətlə mübarizə aparıb. Yığmamızın üzvləri 5 qızıl, 5 gümüş və 5 bürünc medala sahib olublar. Elnur Şəfizadə (48 kq), Tayfur Əliyev (50 kq), İman Əhmədli (60 kq), Nicat Sadıqov (75 kq) və Məhəmmədəli Tahirov (+80 kq) fəxri kürsünün ən yüksək pilləsinə qalxıblar. Sirac Süleymanov (63 kq), Ramin Hacıyev (66 kq), Şamil Əliyev (70 kq), Orxan Əliyev (80 kq) və Sahib Şükürov (+80 kq) yalnız həlledici görüşdə uduzaraq, 2-ci yerlə kifayətləniblər. Rüfət Hüseynov, Elşən Abbasov, Məsud Yusifzadə, Cavid Quliyev və Çingiz Hacıyev 3-cü yerə layiq görülüblər.

Digər çəki dərəcələrində Daniel Lapin, Vitali Tereşuk, Aleksey Tokarçuk (hamısı Ukrayna), Naven Kumar Kakara (Hindistan), Aleksey Lomonosov (Rusiya), Şahromjon Yadigarov (Özbəkistan), Ramazan Tenekel (Qazaxıstan), Blaqoy Naydenov (Bolqarıstan) fəxri kürsünün ən yüksək pilləsinə qalxıblar.

• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq
• Heydər Əliyevin xatirəsinə həsr edilmiş badminton turniri keçiriləcək
• Yelkən idmanı üzrə "Prezident Kuboku 2026"nın ilk yarış günü başa çatıb 
• Sərbəst Piramida bilyard üzrə ölkə çempionatı keçiriləcək