Rusiyada təlim-məşq toplanışında olan Azərbaycanın parataekvondo üzrə milli komandası hazırlıq prosesini uğurla başa vurub. Taekvondo Federasiyasından apasport.az saytına verilən məlumata görə, Xasavyurd şəhərində daha bir neçə ölkə komandasının qatıldığı məşqlərin ardından yoxlama görüşləri keçirilib.

9 qızıl medal qazanan idmançılarımız qeyri-rəsmi komanda hesabında birinci olublar. Səfərdən sonra Azərbaycan Taekvondo Federasiyasının rəhbərliyi parataekvondo üzrə seçmə komandamızın uğurlarını xüsusi mükafatla dəyərləndirib. Qonşu ölkədə 12-22 mayda birgə məşqlərdə, seçmə komandanın baş məşqçisi Əvəz Tağıyevin rəhbərliyi ilə 23 idmançı hazırlıq keçib.

Qeyd edək ki, parataekvondoçularımızı noyabrda ilin ən məsul yarışı, Arubada dünya çempionatı gözləyir.

• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq
• Heydər Əliyevin xatirəsinə həsr edilmiş badminton turniri keçiriləcək
• Yelkən idmanı üzrə "Prezident Kuboku 2026"nın ilk yarış günü başa çatıb 
• Sərbəst Piramida bilyard üzrə ölkə çempionatı keçiriləcək