Türkiyənin paytaxtı Ankarada güləş üzrə gənclər arasında XV “Çempionlar” beynəlxalq turniri keçirilir. Apasport.az saytının xəbərinə görə, yarışda 2012-ci ilin təqvim planına əsasən, hər üç güləş növü üzrə yığma komandanın iştirakı nəzərdə tutulub.

Gənc qızlardan ibarət yığmamızın heyətində böyük məşqçi Həsrət Məmmədyarovun rəhbərliyi altında Aydan Səfərli (44 kq), Şəfəq Muradzadə (48 kq) və Səbirə Əliyeva (72 kq) yer alıb.

Sərbəst güləşçilər məşqçi Elnur Aslanovun rəhbərliyi altında 5 güləşçi ilə turnirdə ölkəmizi təmsil edir. Ruslan Qasımov (50 kq), Pərviz İbrahimov (55 kq), Hüseyn Nəsirov (60 kq), Kamran Yunusov (74 kq) və Pərviz Axundov (84 kq) sərbəst güləşçilərin yarışında iştirak edəcək.

Yunan-Roma güləşi yığmamız 8 idmançı ilə təmsil olunur. Böyük məşqçi İlqar Abdulov və məşqçi Akif Əliyevin rəhbərliyi altında Sakit Quliyev (55 kq), Rövşən Tağıyev (60 kq), Elman Muxtarov (60 kq), Ceyhun Əliyev (66 kq), Toğrul Yunisli (74 kq), Şamil Ertuqanov (74 kq), Fuad Əliyev (84 kq) və Hacımurad Çöpsiyev (96 kq) Ankaraya yola düşüb.

• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq
• Heydər Əliyevin xatirəsinə həsr edilmiş badminton turniri keçiriləcək
• Yelkən idmanı üzrə "Prezident Kuboku 2026"nın ilk yarış günü başa çatıb 
• Sərbəst Piramida bilyard üzrə ölkə çempionatı keçiriləcək