İtaliyanın Milan şəhərində keçirilən güllə atıcılığı üzrə Dünya Kubokuna yekun vurulub. Apasport.az saytının məlumatına görə, yarışın sonuncu günü Azərbaycan milli komandasının üzvü İradə Aşumova və Ruslan Lunyov bir daha hədəf önünə çıxıblar.

Onlar bu dəfə 10 m məsafədən atəşaçmada dəqiqliklərini yoxlayıblar. Təəssüf ki, yenə həmyerlilərimiz mükafatçılar sırasına düşə bilməyiblər. Aşumova 42-ci, Lunyov 60-cı yeri tutub.

Qeyd edək ki, bundan öncə 25 m məsafəyə atəşaçmada Aşumova 22-ci, Lunyov isə 43-cü pillədə qərarlaşmışdı.

• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq
• Heydər Əliyevin xatirəsinə həsr edilmiş badminton turniri keçiriləcək
• Yelkən idmanı üzrə "Prezident Kuboku 2026"nın ilk yarış günü başa çatıb 
• Sərbəst Piramida bilyard üzrə ölkə çempionatı keçiriləcək